01Wie kan inskryf?
Die kompetisie is wêreldwyd oop vir persone van 18 jaar en ouer. KOER-werknemers, hul onmiddellike gesinne en enige persoon betrokke by die administrasie van die kompetisie mag nie inskryf nie.
Al die katte kry kanse
in ons verjaarsdag
lucky draw!
Single of nie, jy kan wen!
Hoe meer jy deel, hoe groter jou kans!
Inskryf is maklik!
Versamel vir jou ’n klomp kanse
vir ons trekking uit die hoed.
Skryf hier in vir ’n kans
KOMPETISIEREËLS
Die belangrike goed.
Deur in te skryf, aanvaar jy hierdie KOER 6de verjaarsdagkompetisie se bepalings en voorwaardes.
02Wanneer loop dit?
Inskrywings open op 1 September 2026 en sluit stiptelik om 12:00 SAST op 30 September 2026. Geen laat inskrywings sal aanvaar word nie.
03Hoe werk ’n inskrywing?
Voltooi die vorm met jou naam en van, jou eie geldige e-posadres en WhatsApp-nommer, en bevestig daarna jou e-pos. Bevestiging aktiveer jou deelname, maar tel nie as ’n kans vir jou nie.
04Kry kanse
Om in te skryf of jou skakel te deel, gee nie self ’n kans nie. Jy kry een kans wanneer jy ’n KOER-profiel skep. Elke nuwe persoon wat hul inskrywing met jou unieke skakel bevestig, gee jou een kans; as hulle hul KOER-profiel skep, kry jy nog een kans en hulle kry een kans. ’n Maksimum van 20 kanse per deelnemer geld.
05Geldige inskrywings
Elke e-posadres en WhatsApp-nommer mag net een keer gebruik word. Vals, onvolledige, outomatiese, gedupliseerde of bedrieglike inskrywings kan gediskwalifiseer word. KOER se besluit hieroor is finaal.
06Die pryse en trekking
Die totale pryswaarde is R50 000 en bestaan uit een kontantprys van R30 000, vier kontantpryse van R2 500 elk, en R10 000 se KOER-subskripsies. Ná sluiting word die R30 000-kontantwenner ewekansig uit alle geldige inskrywings getrek, met elke deelnemer se aantal kanse as hul gewig. KOER administreer die bykomende kontantpryse en subskripsies afsonderlik. Pryse is nie oordraagbaar of vir kontant of ’n ander prys verruilbaar nie, buiten waar KOER dit vereis.
07Kennisgewing
Elke wenner word met die e-posadres of WhatsApp-nommer wat vir die kompetisie verstrek is gekontak. Indien ’n wenner nie binne sewe dae reageer of nie hul identiteit kan bevestig nie, mag KOER ’n nuwe wenner trek.
08Jou inligting
KOER gebruik jou besonderhede om die kompetisie te administreer, jou inskrywing te verifieer, jou oor jou kanse te kontak en vir KOER-bemarkingskommunikasie. Jou inligting word volgens KOER se bepalings, voorwaardes en privaatheidsbeleid (maak in ’n nuwe oortjie oop) hanteer. Jy kan enige tyd van bemarkingskommunikasie afmeld.
Neem kennis: KOER kan hierdie bepalings verander, opskort of die kompetisie kanselleer waar dit redelikerwys nodig is. Hierdie bepalings is onderhewig aan finale regsoorsig voor die kompetisie open.